780
09:18
11 Mart 2020

Evlərdən oğurluq etdi, satıb pulunu qumara qoydu - FOTOLENT

Şəmkirdə evlərdən oğurluq edilib.

DİN-in Mətbuat Xidmətinin Gəncə regional qrupundan Lent.az -a verilən məlumata görə, aparılan araşdırmalarla müəyyən edilib ki, rayon sakini, 23 yaşlı İslam Vəliyev yanvar ayının əvvəllərində rayon ərazisindəki evlərdən birinə gizli yolla daxil olaraq oradan 1 ədəd “Grundig” markalı televizor və 3 ədəd şüşə qabları oğurlayıb. Daha sonra o, fevral ayının 16-da başqa bir evə daxil olaraq 1 ədəd “Arçelik” markalı televizor və “HP” markalı kompyuteri, fevralın 25-də isə digər bir evə gizli yolla daxil olaraq oradan 8 ədəd xrustal meyvə və şirniyyat qablarını oğurlayıb.

Şübhəli şəxs saxlanılaraq maddi sübutlarla birlikdə istintaqa təhvil verilib. Dindirilmə zamanı İ. Vəliyev törətdiyi oğruluq hadisəsini etiraf edərək oğurladığı əşyaları 1200 manata satdğını, əldə etdiyi pulu isə mərc oyunlarında uduzduğunu bildirib.

Faktla bağlı araşdırma aparılır.