1428
18:52
27 Noyabr 2019

Asan hazırlanan piroq resepti – Usta öz sirlərini açır: Lent.az-ın mətbəxi

Lent.az -ın mətbəxi layihəsində növbəti yazımızı təqdim edirik.

Bu dəfə sizi sosial şəbəkədə “EV YEMEKLERİ” adı ilə məşhur olan səhifəyə istinadla asan hazırlanan piroq resepti ilə tanış edəcəyik

Tərkibi:

300 qram mannı, 200 qram şəkər tozu, 500 ml qatıq, 1 çay qaşığı soda, 2 çay qaşığı limon suyu, 1 limonun qabığı. Üzəri üçün 2 xörək qaşığı bəkməz.

Hazırlanma qaydası:

Qaba mannını və şəkər tozunu əlavə edib qarışdırırıq. Digər bir qaba isə qatıq, çay sodası və alma sirkəsi əlavə edib qarışdırır və 5 dəqiqə saxlayırıq. Sonra mannının içinə tökürük, üzərinə isə limon suyu və limon qabığını əlavə edib çalırıq. Daha sonra xəmiri bişirəcəyimiz qabın içərisinə əlavə edib, üzərinə bəkməz çəkirik və sobaya yerləşdirib 180 dərəcədə 30-40 dəqiqə bişiririk.

Nuş olsun!