915
15:40
29 Oktyabr 2019

Saqqallı, yoxsa təraş olunmuş kişilər? – Qadınların seçimi

Əvvəllər saqqal saxlayan insanlar çox yaxşı qarşılanmırdı. Bu insanlar səliqəsiz insanlar kimi qəbul edilirdi. İndi isə kişilər arasında saqqal saxlamaq dəb halı alıb.
Lent.az xarici KİV-ə istinadən bildirir ki, Avstraliya və Finlandiya universitetlərində bununla bağlı maraqlı tədqiqat aparılıb. Belə ki, 8 min 500 qadının qatıldığı tədqiqatda onlara kişilərə məxsus fotoşəkillər göstərilib. Öyrənmək istəyirlər ki, qadınların diqqətini saqqalı, yoxsa təraş olunmuş kişilərin rəsmləri çəkəcək?
Alimlərin araşdırmaları nəticəsində maraqlı faktlar ortaya çıxıb. Məlum olub ki, sözügedən 8 min 500 qadının əksəriyyəti üzü tüklü kişiləri daha çox bəyəniblər və onlarla daha uzun münasibət yaşayacaqlarını düşünürlər. Təraş olunmuş kişiləri isə əsasən, qısa müddətli münasibət üçün seçirlər.
Mütəxəssislərin fikrincə bu cür kişilər qadınlara daha güclü görsənir, onlarda inam və güvən hissi yaradırlar.