226
18:30
08 Avqust 2019

Fikirləri səsləndirən cihaz hazırlandı - VİDEO

Massaçusets Texnologiya İnstitutunun əməkdaşı 24 yaşlı Arnav Kapurun yeni hazırladığı “AlterEgo” cihazı insanın daxili dialoqunu qeydə ala bilər.
Lent.az “ictnews”a istinadla xəbər verir ki, sözügedən texnologiya beyin tərəfindən göndərilmiş neyro-əzələ siqnallarını aşkar edən datçiklər sistemindən ibarətdir.
İstifadəçi səssiz şəkildə öz-özü ilə danışdıqda, yaxud düşünərkən qeydə alınmış siqnalları süni intellekt sözə çevirir. İstifadəçi qulaqlıq vasitəsilə süni intellektin cavablarını eşidir. Beləliklə, istənilən insan səssiz şəkildə siqnalları “ağıllı” qurğulara ötürə və ya digər komandalar verə bilər.
"Nitq qüsurlu bir çox insan başqa insanlarla ünsiyyət saxlamaq imkanından məhrumdur – Massaçusets Texnologiya İnstitutunun texniki elmlər namizədi Kapur bildirib. “AlterEgo” cihazı həmin insanların danışmaq qabiliyyətini bərpa edə bilər".
Tədqiqat məlumatına görə, sözügedən sistemin dəqiqliyi təxminən 92% təşkil edir.