326
15:41
14 İyun 2019

Ramil Əliyev Beynəlxalq Kiber İdman Federasiyasının İdarə Heyətinə üzv seçildi

Beynəlxalq Kiber İdman Federasiyasına üzv seçilən Kiber İdmanda geniş təcrübəyə malik olan Ramil Əliyev, 2013-cü ildən bu günə kimi Azərbaycan Kiber İdman Federasiyasının prezidentidir. Bu barədə Lent.az -a Gənclər və İdman Nazirliyinin mətbuat katibi Səmayə Məmmədova məlumat verib.
Onun sözlərinə görə, Azərbaycan Kiber İdman Federasiyası Azərbaycan Respublikası Gənclər və İdman Nazirliyi ilə birlikdə 2014-cü ildə Bakı şəhərində 6-cı Dünya Kiber İdman Çempionatını uğurla həyata keçirib.
İESF-in prezidenti Kolin Vebster Ramil Əliyevin İdarə Heyətinə üzv seçilməsi ilə bağlı bildirib: "Ramil Əliyevin, onun təcrübəsi və təfərrüatlara ətraflı diqqəti ilə, İESF-in İdarə heyəti üçün çox faydalı olacağı şübhəsizdir. Mən, bütün digər İdarə heyətinin üzvləri kimi, Ramil ilə iş birliyimizi səbirsizliklə gözləyirəm".
Qeyd edək ki, Beynəlxalq Kiber İdman Federasiyasının (IESF) mümkün qədər səmərəli işləməsi üçün İdarə Heyətinin bütün vakansiyalarının doldurulması vacibdir.
R.Əliyevin İdarə Heyətində üzvlüyü bu ilin dekabr ayına planlaşdırılan növbəti seçkilərə qədər etibarlıdır.