559
09:56
10 İyun 2019

Stilist Anarla aparıcı arasında QALMAQAL DÜŞDÜ

Aparıcı Hüsniyə Məhərrəmova ilə stilist Anar Ağakişiyev arasında qalmaqal yaşanıb.

Lent.az -ın məlumatına görə, Hüsniyənin stilist Elnur Həsənova yazdığı təbrik Anarın xoşuna gəlməyib. Ağakişiyev Hüsniyənin şəklini paylaşaraq, bu sözləri yazıb:

“Şükür Allaha ki, dünya şöhrətli stilistəm.İstər cəmiyyətdəki hörmətimə, ailəmdən olan tərbiyəmə hər kəs bələddir. Çox şükür, Tanrım, arzuladığım hər şeyi mənə yaşadırsan. Ən əsas da ətrafımda olan 70 sifətli, dediyi sözləri danan, tülkü tərzli, kompleksli, uğursuz, onun-bunun dalınca danışan, etibarsız, cürət edib, sözü üzə deyə bilməyən insanları ətrafımdan yığışdırırsan.

Hər kəs kimin nə olduğunu çox gözəl bilir. Min şükür ki, bu insanın dar günündə qapımı döydülər. Halal xoşunuz olsun. Paxıllığımı çəkənin çox olduğunu bilirdim, amma bu qədərini təxmin etmirdim. Dürüst olun, Tanrım mənə yaşatdıqlarını bəlkə sizə də yaşadar.

İşim də göz önündədir, o qədər yuxarıdayam ki, aşağıdakılarla maraqlanmıram. Jey Lo demişkən, mənim öz dünyam var. Digər şeylər önəmli deyil”.

Qeyd edək ki, Hüsniyə Elnuru təbrik edən zaman bu sözləri yazmışdı: “Yaxşı, peşəkar olmaq, məşhurlaşmaq, milyonlarla izləyici, fanat da yığmaq olar, amma adam olmadınsa, apar tulla! Elnuru ona görə hamıdan çox istəyirəm ki, adam kimi adamdır”.