1232
18:28
13 May 2019

Daha bir paracüdoçumuz qızıl medal qazandı

Azərbaycan millisi Bakıda ümummilli lider Heydər Əliyevin xatirəsinə həsr olunan paracüdo üzrə Qran-pridə ikinci qızıl medalını qazanıb.
Lent.az -ın məlumatına görə, 48 kq çəki dərəcəsində mübarizə aparan Şahanə Hacıyeva fəxri kürsünün ən yüksək pilləsinə qalxıb.
İlk mərhələdən azad olan Ş.Hacıyeva 4/1 finalda özbəkistanlı Lobar Xürrəmovaya qalib gələrək yarımfinala yüksəlib. Ukraynalı Yuliya Halinskanı məğlub edən idmançımız qızıl medal uğrunda görüşə haqq qazanıb. Çinli Liqinq Liyə ipponla qalib gələn idmançımız beynəlxalq Qran-Pri yarışlarının çempionu adını qazanıb.
Qeyd edək ki, bu, Azərbaycan millisinin turnirdə ikinci qızıl medalıdır. İlk medalı yığmamıza Vüqar Şirinli (60 kq) qazandırıb.