428
22:03
25 Mart 2019

ABŞ İsrailin Qolan yüksəklikləri üzərindəki suverenliyini tanıdı

ABŞ prezidenti Donald Tramp İsrailin Qolan yüksəklikləri üzərindəki suverenliyini tanıyan sənədə imza atıb.
ONA -nın “RİA Novosti”yə istinadən verdiyi xəbərə görə, bəyannamə İsrailin baş naziri Binyamin Netanyahunun iştirakı ilə imzalanıb.
“Bu, bir neçə onilliklər əvvəl baş verməli idi”, - Tramp belə deyib.
Onun sözlərinə görə, İsrail özünü təhlükədən qorumaq üçün 1967-ci ildən Qolan yüksəkliklərinə nəzarəti əlində saxlayır. O qeyd edib ki, indi isə İsraili İrandan və Suriyadakı terror qruplaşmalarından, eləcə də “Hizbullah”dan qorumaq lazımdır.