180
00:11
25 May 2018

ABŞ-ın yeni dövlət katibi Ankaranı qınadı

ABŞ Türkiyəyə Rusiyadan əldə etmək istədiyi “S-400” zenit-raket sisteminin alternativlərini təklif edir. APA -nın “RİA Novosti”yə istinadən verdiyi xəbərə görə, bu barədə ABŞ dövlət katibi Mayk Pompeo bildirib.

“Əlbəttə, bu istiqamət yanlışdır. “S-400”-lərin əldə olunması aramızda, Türkiyə və NATO arasında çoxlu problemlər yaradacaq. Biz onlara diplomatik təzyiq göstəririk, həmçinin, alternativlər təklif edirik”, - deyə Pompeo Senatda dinləmələr zamanı bildirib.

“Ümid edirəm, onların addımları NATO-nun məqsədlərinə daha uyğun olacaq”, - deyə dövlət katibi qeyd edib.