35
03:35
22 Yanvar 2017

Avropa və Afrikada da Trampa "yox" deyirlər

Vyanada ABŞ-ın 45-ci prezidenti Donald Tramp əleyhinə aksiya keçirilib. APA -nın “Reuters”ə istinadən verdiyi xəbərə görə, mitinqdə iki minədək etirazçı iştirak edib.

Cenevrədə keçirilən etiraz aksiyasına əksəriyyətinin uşaqlı qadın olduğu minədək şəxs qatılıb. Finlandiyanın paytaxtı Helsinkidə də Trampa qarşı etiraz yürüşü keçirilib.

Bundan əvvəl Londonda 100 mindən çox etirazçının qatıldığı yürüşün keçirildiyi bildirilib.

“Antitramp” aksiyası həmçinin Keniya paytaxtı Nayrobidə keçirilib.

Analoji etiraz aksiyaları ABŞ-ın bir çox şəhərində təşkil olunub.