95
11:59
07 Noyabr 2016

Balıq tutmaq üçün dəhşətli üsul seçdi və öldü - VİDEO - YENİLƏNİB

Astarada balıq ovlayarkən ağır xəsarət alan şəxs ölüb. Lent.az Daxili İşlər Nazirliyinin mətbuat xidmətinə istinadən xəbər verir ki, noyabrın 4-də Astara rayonunun Şahağacı kəndində rayon sakini Rahim İmanov kanalda balıq tutarkən kanalın üstündən keçən yüksək gərginlikli kabelə dəyib və onu elektrik cərəyanı vurub. Xəstəxanaya yerləşdirilmiş R.İmanov orada ölüb.

Araşdırma aparılır.

******

5 noyabr

Astara sakinini elektrik cərəyanı vurub. Lent.az ARB TV-yə istinadən xəbər verir ki, hadisə rayonunun Şiyəkəran kəndi ərazisində baş verib.

Kənd sakini, 49 yaşlı Rahim Baladadaş oğlu İmanov yüksək gərginlikli elektrik cərəyanının vurması nəticəsində Lənkəran Rayon Mərkəzi Xəstəxanasına (RMX) çatdırılıb.

Xəstəxanadan bildirilib ki, həkimlərin ilkin müayinəsindən sonra ona bütün bədənin 2-3-cü dərəcəli elektrik yanığı diaqnozu qoyularaq reanimasiya şöbəsinə yerləşdirilib: "Vəziyyəti ağır olduğundan Bakı şəhərinə göndərilməsi üçün hazırlıq görülür".

Qohumları R.İmanovun ehtiyatsızlıq üzündən cərəyan vurduğunu bildirib: "Onların ailəsinə məxsus balıq nohuru var. Həmin nohurda elektrik enerjisi ilə balıq ovlayan zaman ehtiyatsızlıqdan onu elektrik cərəyanı vurub".

Faktla bağlı Astara Rayon Prokurorluğunda araşdırma aparılır.