31
13:03
27 Sentyabr 2016

Bakıda şok olay: Bacısını qaçıran qohumunu öldürüb, körpüdən atdı

Bakının Sabunçu rayonunda baş verən qətlin təfərrüatı məlum olub.

Lent.az -ın Report-a istinadən verdiyi məlumata görə, qətl hadisəsi Sabunçu rayonunun Pirşağı qəsəbəsində yerləşən körpünün üzərində baş verib.

Məlumata görə, 21 yaşlı Nurlan Quliyev dayısı oğlu Mahir Quliyevi qəsəbədə yerləşən körpünün yaxınlığına çağırıb. Belə ki, M.Quliyev bir həftə əvvəl evlənmək məqsədi ilə N.Quliyevin bacısını qaçırıb.

N.Quliyev körpünün üzərində dayısı oğlu ilə əvvəlcə mübahisə edib. Daha sonra o, M.Quliyevin ürək nahiyəsindən bıçaqla zərbə vurub və onu körpünün üzərindən aşağı yamaca doğru atıb. M.Quliyev dünyasını dəyişib.

Qeyd edək ki, qətlə yetirən və qətlə yetirilən Ağdam rayonundan məcburi köçkün düşən şəxslərdir.

***

Bakıda qətl törədilib.

Sabunçu Rayon Prokurorluğundan APA -ya verilən məlumata görə, hadisə ötən gün Pirşağı qəsəbəsində qeydə alınıb. Qəsəbə sakini, 21 yaşlı Nurlan Quliyev qohumu, 23 yaşlı Maarif Quliyevi bıçaqlayaraq öldürüb.

Hadisəni törədən N.Quliyev saxlanılıb.

Faktla bağlı cinayət işi başlanıb, istintaq gedir.