71
23:18
20 Sentyabr 2016

Təcili yardım maşını qəzaya düşdü, yaralılar var

Göygöldə iki nəfərin xəsarət alması ilə nəticələnən yol nəqliyyat qəzası baş verib.

APA-nın qərb bürosunun verdiyi məlumata görə, hadisə Gəncə-Daşkəsən avtomobil yolu ilə Bakı-Qazax magistral yolunun kəsişməsində, Göygöl rayonu ərazisində qeydə alınıb. “VAZ” 2107 və Göygöl rayon Mərkəzi xəstəxanasına məxsus “QAZel” markalı təcili yardım avtomobili ilə toqquşması nəticəsində “VAZ”da olan iki nəfər müxtəlif bədən xəsarətləri alaraq xəstəxanaya yerləşdirilib.

Onların vəziyyətlərinin ağır olduğu bildirilir. Xəsarət alanlardan biri Gəncə şəhər sakini, 1991-ci il təvəllüdlü Cavid Məmmədovdur, digərinin isə kimliyi dəqiqləşdirilir.

Faktla bağlı hüquq-mühafizə orqanları tərəfindən araşdırma aparılır.