31
07:58
28 Aprel 2016

Tayvanda bir gecədə 26 zəlzələ oldu - YENİLƏNİB

Tayvanın şərq bölgəsində bir gecə ərzində 26 yeraltı təkan qeydə alınıb.

APA-nın TASS agentliyinə istinadən verdiyi xəbərə görə, bu barədə ölkənin Mərkəzi Meteoroloji İdarəsinin rəisi Sin Tsaytszin bildirib.

Onun sözlərinə görə, yeraltı təkanların ən güclüsü (5,6 bal) Tayvanın şimal-şərq sahillərində qeyd alınıb. Regionda maqnitudası 3,6-dan 4,5 baladək təkanlar davam etməkdədir.

Sonuncu, 5,5 ballıq zəlzələ Taydun bölgəsində qeydə alınıb. Dağıntı və zərərçəkənlər barədə məlumat daxil olmayıb.

***

Tayvan sahillərində 5,3 bal gücündə zəlzələ baş verib.

APA-nın “Sinxua” agentliyinə istinadən verdiyi xəbərə görə, yeraltı təkanların episentri Hualyan şəhərindən 34 km şimal-şərqdə, ocağı isə 8,3 km dərinlikdə yerləşib.

Dağıntı və zərərçəkənlər barədə məlumat verilmir. Sunami təhlükəsi elan olunmayıb.