77
12:43
14 Aprel 2016

Azərbaycanda məktəblini başından güllələdilər - TƏFƏRRÜAT - YENİLƏNİB

Tovuzda törədilən qətlin bəzi təfərrütaları məlum olub.

Qalaboyun kənd sakinlərinin APA-ya verdikləri məlumata görə, hadisə kəndin yaxınlığındakı örüş sahəsində qeydə alınıb.

10-cu sinif şagirdi, 17 yaşlı Məqsəd Əmiraslanov qohumu və sinif yoldaşı ilə heyvan otarmağa gedib.

Onlar heyvanlarını canavarlardan qorumaq üçün özləri ilə ov tüfəngi də götürüblər. Onlar zarafatlaşan zaman ov tüfəngi açılıb və Məqsəd Əmiraslanov başından xəsarət alıb. O, xəstəxanaya aparılarkən yolda dünyasını dəyişib.

Faktla bağlı araşdırma aparılır.

***

11:44

Tovuzda qətl törədilib.

APA-nın qərb bürosunun verdiyi məlumata görə, hadisə ötən gün rayonun Qala burnu kəndində qeydə alınıb.

Kənd sakini, 1999-cu il təvəllüdlü Əmiraslanov Məqsəd İlqar oğlu baş nahiyəsindən ov tüfəngi ilə güllələnib.

Məlumata görə, qətli törədən şəxs məlumdur və onun tapılması istiqamətində əməliyyat-axtarış tədbirləri həyata keçirilir.

Faktla bağlı Tovuz Rayon Prokurorluğunda cinayət işi açılıb.