33
06:44
27 Yanvar 2016

Kanada Tehranda səfirlik açacaq

Kanada hökuməti İrana qarşı tətbiq etdiyi sanksiyaları ləğv etmək və Tehranda səfirlik açmaq niyyətindədir. APA -nın “RİA Novosti”yə istinadən verdiyi xəbərə görə, bu barədə Kanada XİN rəhbəri Stefan Dion bildirib.

Onun sözlərinə görə, sanksiyalar tədricən, müttəfiqlərlə razılaşdırılaraq aradan qaldırılacaq.

Bundan başqa, nazir rəsmi Ottavanın Tehranda səfirlik açmaq niyyətində olduğunu da qeyd edib, lakin bu prosesin tarixini dəqiqləşdirməyib.

Qeyd edək ki, Kanada 2012-ci ildə Tehrandakı səfirliyini bağlayaraq iranlı diplomatları Ottavadan çıxarıb.

Kanada İrana qarşı sanksiyaları 2010-cu ildə tətbiq edib.