Sizin link burada

DÇ-2018-də 1/4 final həyəcanı başlayır

DÇ-2018 davam edir. Apasport.az saytının məlumatına görə, bu gün mundialda 1/4 final oyunlarına start veriləcək.

 

İlk oyun günündə iki görüş baş tutacaq. Əvvəlcə Fransa ilə Uruqvay münasibətlərinə aydınlıq gətirəcəklər. 1/8 finalda Portuqaliya yığmasını yolundan kənarlaşdıran cənubi amerikalılar növbəti avropalı rəqibini məğlub etmək əzmindədi. Fransa millisi isə favoritlərindən hesab olunduğu dünya çempionatında daha irəli getmək üçün güclü rəqiblərdən birinə qalib gəlməlidi. Didye Deşamın komandasında Matuidi vərəqə cəzalısıdırsa, Uruqvayda Kavaninin oynayıb-oynamayacağı sual altındadı.

 

Günün ikinci oyunu da Cənubi Amerika – Avropa qarşıdurması olacaq. Braziliya Belçika ilə üz-üzə gələcək. Pentakampeonlar növbəti çempionluğu hədəflədiyindən bu oyunda da meydana mütləq qələbə üçün çıxacaqlar. Meksika ilə matçda sonradan meydana çıxan Marselonun zədəsi sağalıbsa, Duqlas Kostanın meydana çıxmamaq ehtimalı var. Kazemiro isə sarı vərəqə cəzası səbəbindən oyunu buraxacaq. Belçika isə bəzi mütəxəssislərin fikrinə görə, tarixin ən yaxşı heyətinə sahib komanda ilə mümkün qədər yüksəyə çıxmaq istəyir. Roberto Martinezin heyət baxımından bir problemi yoxdu.

 

 

DÇ-2018

1/4 final

6 iyul

 

 

18:00. Uruqvay - Fransa

 

Hakimlər: Nestor Pitana, Ernan Maydana, Xuan Belatti (hamısı Argentina), Alireza Faqani (İran)

Nijni Novqorod stadionu

 

 

22:00. Braziliya – Belçika

 

Hakimlər: Milorad Majiç, Milovan Ristiç, Dalibor Curceviç (hamısı Serbiya), Ceyr Marrufo (ABŞ)

Kazan Arena

 

LENT

23 İyul 2018

Digər xəbərlər >>>