Sizin link burada

"Xətainin heykəli yolun ortasındadır” - Siyavuş Novruzov

Yeni Azərbaycan Partiyasının (YAP) İcra katibinin müavini Siyavuş Novruzov Məmmədhüseyn Şəhriyar və Şah İsmayıl Xətainin adının ölkədə layiqincə əbədiləşdirilməməsindən narazılıq edib.

 

APA-nın məlumatına görə, Milli Məclisin bu gün keçirilən iclasında S. Novruzov bildirib ki, Şəhriyarın adına Azərbaycanda bir qəsəbənin belə olmaması düzgün deyil.

 

“Halbuki o, Azərbaycanın ən böyük şairlərindəndir.

 

 

Bundan başqa, Azərbaycan dövlətinin banisi, 1 milyon kvadrat kilometrdən çox ərazidə dövlət qurmuş Şah İsmayıl Xətaiyə elə yerdə heykəl qoymuşuq ki, orda şəkil çəkdirmək istəyən turist mütləq avtoqəzaya düşəcək. Belə olmaz. Qaçaq Koroğluya parkın ortasında heykəl qoyuruq, amma Şah İsmayılın heykəli yolun ortasındadır”.

 

Spiker Oqtay Əsədovun deputatın sözlərinə reaksiyası isə belə olub: “Koroğlu qaçaq deyil. İndi də etnoslarımıza sataşma”.

LENT

21 İyun 2018
20 İyun 2018

Digər xəbərlər >>>