Sizin link burada

Bakıda avtobuslarda cibgirlik edənlər tutuldu

İctimai nəqliyyatda cibgirlik edənlər saxlanılıb. Lent.az Daxili İşlər Nazirliyinin saytına istinadən xəbər verir ki, polis əməkdaşlarının keçirdikləri əməliyyat tədbirləri nəticəsində ictimai nəqliyyatda cibgirliklə məşğul olan şəxslər yaxalanıb. Belə ki, mayın 22-də saat 18 radələrində Nəsimi rayonu ərazisində marşrut avtobusunda Bakı şəhər sakini A.Məhərrəmovun cibindən 120 manat pulunu və mobil telefonunu oğurlamaqda şübhəli bilinən şəxs 20-ci Polis Bölməsinin əməkdaşları tərəfindən “isti izlər”lə tutulubb. Araşdırmalarla onun Ağdaş rayon sakini, əvvəllər məhkum olunmuş Hakim Quluyev olduğu müəyyən edilib. Bundan başqa mayın 23-də saat 1 radələrində Sabunçu rayonunun Zabrat qəsəbəsi ərazisində marşrut avtobusunda qəsəbə sakini T.İbadovun cibindən 35 manatı oğurlamaqda şübhəli bilinən şəxs isə ərazidə xidmət aparan 15-ci Polis Bölməsinin əməkdaşları tərəfindən hadisə yerində yaxalanıb. Araşdırmalarla onun  qəsəbə sakini, əvvəllər məhkum olunmuş Ramal Camalov olduğu müəyyən edilib. Şəxsi axtarış zamanı ondan narkotik vasitə olan heroin də aşkar edilərək götürülüb.

 

Faktlarla bağlı araşdırmalar aparılır.

 

LENT

23 İyun 2018
22 İyun 2018

Digər xəbərlər >>>