Sizin link burada

Şəkidə Beynəlxalq Teatr Festivalı açıldı

Şəkidə “Sərhədsiz teatr”  3-cü  Şəki Beynəlxalq Teatr Festivalının açılışı olub.

 

APA-nın Şəki Zaqatala bürosunun məlumatına görə, beynəlxalq festival “Azərbaycan Teatrı 2009-2019-cu illərdə” Dövlət Proqramının icrasını təmin etmək məqsədi ilə 2018-ci il 12-19 may tarixlərində baş tutacaq festival ümummilli lider Heydər Əliyevin 95, müsəlman Şərqində ilk parlamentli respublika – Azərbaycan Xalq Cümhuriyyətinin yaranmasının 100 və milli peşəkar teatrın yaradılmasının 145 illiyinə həsr olunub.

 

Azərbaycan Respublikası Mədəniyyət və Turizm Nazirliyi, Şəki Şəhər İcra Hakimiyyəti və Azərbaycan Teatr Xadimləri İttifaqının birgə təşkilatçılığı ilə baş tutan festivalda Azərbaycanla birlikdə 6 ölkədən 9 teatr iştirak edəcək.

 

Açılışdan öncə keçirilən mətbuat konfransında festival haqqında məlumat verilib və jurnalistlərin sualları cavablandırılıb.

 

Respublikamızda artıq 3-cü dəfə keçirilən və teatr ənənələrimizdən birinə çevrilən festivalın Təşkilat Komitəsinə iştirak üçün dünyanın müxtəlif ölkələrindən – Rusiya, Qazaxıstan, Gürcüstan, Ukrayna, Meksika, Kolumbiya, Argentina, Fransa, İsrail , İtaliya, Mərakeş, Küveyt, Makedoniya və İrandan 60-dan çox təklif daxil olub.

 

Festivalın açılışı İranın “Titovak” Teatrının V.Şekspirin “Maqbet-Zar” tamaşasıyla başlayıb.

 

Festival çərçivəsində Kolumbiyadan Acto Teatrının Q.Q Markesin “Məsum Erendira”, İranın Muğan –Hünər teatrının M.Məhbədinin “Canavar”, Gürcüstandan “Muvement” teatrının , V. Şekspirin “Fırtına, Rusiyadan “Yaradıcı Qrup”, Kazan Mədəni Təşəbbüslər fondunun “Əlif” və V.Txapsayev adına Şimali Osetiya Dövlət Akademiya Teatrının uşaqlar üçün  “Möcüzələr Ölkəsində” tamaşaları ilə çıxış edəcəklər.

 

LENT

21 May 2018

Digər xəbərlər >>>