Sizin link burada

Bakıda avtobus sürücüsü qaydanı pozdu, işdən qovuldu - VİDEO

Bakıda yol-hərəkət qaydalarını kobud şəkildə pozan avtobus sürücüsü işdən azad edilib.

 

Bu barədə Lent.az-a Bakı Nəqliyyat Agentliyindən məlumat daxil olub.

 

Məlumatda qeyd edilib ki, 18.01.2018 tarixində Bakı Nəqliyyat Agentliyinə 11 nömrəli marşrut xətti üzrə hərəkət edən 10 TG 111 DQN-lı sərnişin avtobusu ilə bağlı video görüntü təqdim edilib. Müəyyən edilib ki, sürücü sərnişin avtobusunu yol hərəkəti qaydalarını kobud şəkildə pozaraq yolun əks istiqaməti üzrə idarə edib. 

 

Həmin görüntü əsasında dərhal araşdırma aparılıb və 11 nömrəli müntəzəm marşrut xətti üzrə faəliyyət göstərən daşıyıcı Bakı Nəqliyyat Agentliyinə çağırılıb. Bakı Nəqliyyat Agentliyinin göstərişi əsasında sərnişindaşıma, təhlükəsizlik və yol hərəkəti qaydalarını kobud şəkildə pozan sürücü İsmayılov Əleysər Ələsgər oğlu daşıyıcı tərəfindən işdən azad edilib. Bununla yanaşı daşıyıcıya analoji halın digər sürücülər tərəfindən təkrarlanmamsı üçün zəruri tədbirlərin görülməsi tapşırılıb.

LENT

28 May 2018
27 May 2018

Digər xəbərlər >>>