Sizin link burada

Tbilisidə bir terrorçu saxlanıldı: əməliyyat davam edir - YENİLƏNİB

 

Tbilisidə keçirilən antiterror əməliyyatı zamanı bir nəfər saxlanılıb.


 
APA-nın Gürcüstan bürosunun məlumatına görə, bu barədə Gürcüstanın Dövlət Təhlükəsizliyi Xidmətindən (DTX) bildirilib.

 

Məlumata əsasən, saxlanılan şəxs Gürcüstan vətəndaşı deyil. O, terror təşkilatının üzvüdür. Digər terrorçunun yaxalanması istiqamətində tədbirlər görülür.

 

***

 

10:32

 

Tbilisidə İsani rayonunun Qabriel Salos küçəsində gecə saatlarında başlayan antiterror əməliyyatı davam edir.

 

APA-nın yerli bürosunun məlumatına görə, indiyə qədər hadisə yerində atışma və partlayış səsləri eşidilir. Xüsusi əməliyyat adıçəkilən küçədə yerləşən yaşayış binasında terror təşkilatları ilə əməkdaşlıqda şübhəli bilinən iki xarici vətəndaşın saxlanılması istiqamətində aparılır. Sakinlər yaşayış binasından təxliyə edilir. Hadisə yerinə əlavə polis qüvvələri, təcili tibbi yardım və yanğınsöndürmə briqadaları cəlb olunub.

 

Antiterror əməliyyatı ilə əlaqədar olaraq Qabriel Salos küçəsində yerləşən 97 saylı məktəbdə dərslər ləğv olunub.

 

**

07:18

Tbilisinin ətrafında bir neçə saatdır antiterror əməliyyatı davam etdirilir, hadisə yerindən atışma və partlayış səslərinin eşidildiyi bildirilir. APA-nın yerli mətbuata istinadən verdiyi xəbərə görə, hazırda xüsusi təyinatlılar  şübhəli şəxslərin olduğu binaya daxil olmağa çalışırlar.

 

“Bu dəqiqələrdə şübhəli şəxslərin olduğu binaya daxil olmaq istiqamətində əməliyyat keçirilir. Bir neçə dəfə güclü partlayış səsi eşidilib, atışma davam etmıkdədir”, - deyə İnterpressnews.ge bildirir.  

 

Gürcüstanın “Birinci kanal”ının məlumatına görə, xüsusi əməliyyat keçirilən əraziyə yaxın binalardan sakinlər təxliyə edilib. Şübhəli şəxslərin olduğu bina xüsusi təyinatlılar tərəfindən mühasirəyə alınıb.

 

Bundan əvvəl bildirilmişdi ki, Gürcüstan Dövlət Təhlükəsizlik Xidmətinin əməkdaşları Tbilisidə antiterror əməliyyatı keçirir, mühasirəyə alınan şübhəli şəxslər xüsusi təyinatlılara atəş açıb.   Qurumun məlumatında bildirilir ki, əməliyyat Tbilisinin İsani-Samqor rayonunda keçirilir.

 

Şübhəli şəxslərin olduğu bina mühasirəyə alınıb, sakinlərin təhlükəsizliyi təmin edilib.

 

“Rustai-2” telekanalı bildirib ki, əməliyyatın məqsədi terror təşkilatları ilə əlaqədə şübhəli bilinən iki xarici vətəndaşın saxlanılmasıdır.  

 

***** 03.29

 

Gürcüstan Dövlət Təhlükəsizlik Xidmətinin əməkdaşları Tbilisidə antiterror əməliyyatı keçirir, mühasirəyə alınan şübhəli şəxslər xüsusi təyinatlılara atəş açıb. APA-nın “RİA Novosti”yə istinadən verdiyi xəbərə görə, bu barədə qurumun məlumatında bildirilir.

 

Məlumata görə, əməliyyat Tbilisinin İsani-Samqor rayonunda keçirilir.

 

Şübhəli şəxslərin olduğu bina mühasirəyə alınıb, sakinlərin təhlükəsizliyi təmin edilib. “Rustai-2” telekanalı bildirib ki, əməliyyatın məqsədi terror təşkilatları ilə əlaqədə şübhəli bilinən iki xarici vətəndaşın saxlanılmasıdır.  

LENT

12 Dekabr 2017
11 Dekabr 2017

Digər xəbərlər >>>