Sizin link burada

Baş məşqçi və komanda yoldaşı Kamran Ağayevi qınadı

Azərbaycan yığmasının qapıçısı Kamran Ağayevin “Mlada Boleslav” klubundakı son hərəkəti Çexiyada birmənalı qarşılanmayıb. Apasport.az saytı xəbər verir ki, söhbət həmyerlimizin “Ostrava” ilə çempionat matçında qırmızı vərəqə alaraq, komandasını azlıqda qoymasından gedir.

 

“Mlada Boleslav”ın 1:0 hesablı qələbə qazandığı matçın 72 dəqiqəsi Kamran üçün yaxşı keçsə də, sonrakı dəqiqələrdə Ağayev heç nədən iki sarı vərəqə almaqla yadda qalıb. 73-cü dəqiqədə hakimə etirazına görə ilk dəfə cəzalandırılan qolkiper 2 dəqiqə sonra topu oyuna gec daxil etdiyi üçün növbəti “sarı” ilə üzləşib. Bu isə Kamranın komandasını çətin vəziyyətdə qoyması ilə nəticələnib.

 

Bununla bağlı Çexiya mətbuatına açıqlama verən “Mlada Boleslav”ın hücumçusu Lukaş Magera komanda yoldaşının haqlı yerə meydandan qovulduğunu bildirib: “Nə deyim? Kamran ilk hissədə qapısının toxunulmazlığını saxlaya bildi. Bu bizim üçün vacib idi. Amma hakimin ona qırmızı vərəqə göstərməsi haqlı qərar idi. Kamran davranışı ilə hər iki sarı vərəqəni haqq edirdi. Yaxşı ki, qələbə hesabını sona qədər qoruyub saxlaya bildik”.

 

Kamranın hərəkəti baş məşqçi Duşan Uhrinin də qəzəbinə səbəb olub: “Dəhşətli səhvə yol verdi. Klubun daxilində onunla məsələni aydınlaşdıracağıq”.

 

Çexiya mətbuatı Ağayevin bununla da əsas heyətdəki yerini itirdiyini yazıb. Kamran “Slaviya”ya 0:4 hesabı ilə uduzduqları matçdan sonra da Duşan Uhrinin “qara siyahı”sına düşsə də, sonradan “11-lik”də yerini qaytarmağı bacarmışdı. Lakin bu dəfə eyni halın təkrarlanmayacağı gözlənilir.

 

Qeyd edək ki, “Mlada Boleslav” 13 turdan sonra 17 xal toplayıb və turnir cədvəlində 9-cu pillədə qərarlaşıb.

LENT

19 Noyabr 2017
18 Noyabr 2017

Digər xəbərlər >>>