Sizin link burada

“Azərbaycan haqqında həqiqətlər daha çox yayılmalıdır” - Prezident

 

 

 

Azərbaycan prezidenti İlham Əliyev ABŞ-ın Arizona ştatının Nümayəndələr Palatasının sədri Cavan Mesnardı qəbul edib.

 
Lent.az-ın məlumatına görə, C. Mesnard artıq bir neçə gündür Azərbaycana gəldiyini, Bakı və regionlarımız ilə tanış olduğunu deyib.
 
“Sizin ecazkar ölkənizdə olmağımdan çox məmnunam. Azərbaycan çox gözəl ölkədir. Mən ilk dəfədir ki, buradayam. İnsanlar hər yerdə dostluq və qonaqpərvərlik nümayiş etdirirlər. Mən ABŞ-a geri döndükdə, bu təəssüratlarımı hamı ilə bölüşəcəyəm”, - deyə o vurğulayıb.
 
C. Mesnard Arizona ştatının qanunvericilərinin əksəriyyətinin Azərbaycan haqqında çox eşitdiyini bildirib.
 
Prezident İlham Əliyev qonağın Bakıda və regionlarda olmasının ölkəmiz haqqında daha geniş informasiya əldə edilməsi işinə kömək edəcəyini vurğulayıb. Dövlət başçısı qeyd edib ki, ABŞ-dan Azərbaycana daha çox səfərlərin həyata keçirilməsi insanlar arasında təmasların genişləndirilməsi və xalqlarımızın bir-birini daha yaxından tanıması baxımından önəmlidir və bu, həm də ölkələrimiz arasında əməkdaşlığın möhkəmlənməsi işinə xidmət edəcək. Prezident İlham Əliyev Azərbaycan ilə ABŞ arasında siyasi, iqtisadi, enerji, təhlükəsizlik sahələrində ikitərəfli münasibətlərin və eləcə də ölkəmizin ABŞ-ın ayrı-ayrı ştatları ilə əməkdaşlığının çox yaxşı səviyyədə olduğunu deyib. Dövlət başçısı, eyni zamanda, ABŞ-ın bəzi regionlarında ictimaiyyətin ölkəmiz haqqında bir o qədər də dolğun məlumata malik olmadığını vurğulayaraq Azərbaycan haqqında həqiqətlərin daha çox yayılmasının önəmini qeyd edib.

 

13:53

 

Prezident İlham Əliyev iyulun 31-də Amerika Birləşmiş Ştatlarının Arizona ştatının Nümayəndələr Palatasının sədri Cavan Mesnardı qəbul edib. Lent.az xəbər verir ki, bu barədə AzərTAc xəbər yayıb. Görüşdə qarşılıqlı maraq doğuran məsələlər müzakirə edilib.

LENT

17 Dekabr 2017
16 Dekabr 2017

Digər xəbərlər >>>