Portuqaliyada meşə yanğınları 57 can aldı - YENİLƏNİB

Portuqaliyada meşə yanğınları nəticəsində ölənlərin sayı 57 nəfərə çatıb, 59 nəfər xəsarət alıb.

 

APA-nın məlumatına görə, bu barədə “Publico” nəşri daxili məsələlər üzrə dövlət katibi Xorxe Qomesə istinadən məlumat yayıb.

 

Xəsarət alanlardan 5-in durumu ağırdır. İlkin məlumata görə, 30-a yaxın şəxs avtomobillərlə fəlakət zonasından çıxmağa cəhd edərkən ölüb.

 

Qeyd edək ki, bundan əvvəl  meşə yanğınları nəticəsində 43 nəfərin öldüyü, 59 nəfərin xəsarət aldığı açıqlanmışdı. 

 

 

*****

 

 

11:36

 

 

Portuqaliyada meşə yanğınları nəticəsində ölənlərin sayı 39 nəfərə çatıb, 59 nəfər xəsarət alıb.

 

APA-nın məlumatına görə, bu barədə “Publico” nəşri daxili məsələlər üzrə dövlət katibi Xorxe Qomesə istinadən məlumat yayıb.

 

Bundan əvvəl meşə yanğınları zamanı 24 nəfərin öldüyü açıqlanmışdı.

 

Qeyd edək ki, şənbə günü ölkənin bir sıra regionlarında temperatur 40 dərəcəyə çatıb. Meşə yanğınları Pedroqan-Qrandi bələdiyyəsində başlayıb. Yanğın sürətlə yayılıb, bir neçə yaşayış məntəqəsini əhatə edib. 

 

 

****

 

6:56

 

Portuqaliyanın mərkəzi hissəsində tüğyan edən meşə yanğınları nəticəsində 24 nəfər ölüb. APA-nın “RİA Novosti”yə istinadən verdiyi xəbərə görə, bu barədə ölkənin baş naziri Antoniu Koşta bildirib.   

 

İki nəfər itkin düşüb. Ölənlərin sayının artacağı istisna olunmur.  

 

Yanğının söndürülməsi istiqamətində tədbirlər davam etdirilir. 

LENT

29 İyun 2017
28 İyun 2017
27 İyun 2017

Digər xəbərlər >>>