Maqsud İbrahimbəyovun xatirə gecəsi keçirilib

Mayın 16-da Səməd Vurğun adına Azərbaycan Dövlət Rus Dram Teatrının səhnəsində xalq yazıçısı, kinodramaturq və rejissor Maqsud İbrahimbəyovun xatirə gecəsi keçirilib.

 

APA-nın xəbərinə görə, Azərbaycanın birinci vitse-prezidenti Mehriban Əliyeva xatirə gecəsində iştirak edib.

 

 Xatirə gecəsi yazıçının sevdiyi bəstəkar Tomaso Albinoninin “Adajio” əsəri ilə başlayıb.  

 

Azərbaycanın birinci vitse-prezidenti xanım Mehriban Əliyeva, Səməd Vurğun adına Azərbaycan Dövlət Rus Dram Teatrının baş rejissoru Aleksandr Şarovski, yazıçının dostu, Rusiyanın TASS İnformasiya Agentliyinin baş direktorunun birinci müavini Mixail Qusman və digərləri xatirə gecəsində çıxış edib.

 

Xatirə gecəsində yazıçının əsərlərindən parçalar təqdim olunub, Maqsud İbrahimbəyovun dostları, doğma Bakı, sevdiyi insanlar haqqında fikirləri səslənib.

 

Sonra Maqsud İbrahimbəyovun həmkarlarının və yaxın dostlarının müsahibələrinin yer aldığı sənədli film nümayiş etdirilib. 

LENT

23 Avqust 2017
22 Avqust 2017

Digər xəbərlər >>>