Bayram günlərində metroda konsert proqramı təşkil olunacaq

"Bakı Metropoliteni" QSC Novruz bayramı münasibətilə daha bir sosial layihəni gerçəkləşdirəcək.

 

Metropolitenin mətbuat xidmətindən Lent.az-a verilən məlumata görə, sərnişinlərdə ruh yüksəkliyi yaratmaq, onlara bayram ovqatı bəxş etmək məqsədilə martın 20-dən 23-dək sərnişin axını daha çox olan bir neçə stansiyanın vestibülündə konsert proqramının təşkili nəzərdə tutulub.

 


Konsert proqramı “İçərişəhər” stansiyasında saat 12:15-13:45-də, “28 May”da saat 13:15-14:45-də, “Elmlər Akademiyası”nda saat 14:15-15:45-də, “Memar Əcəmi” stansiyasında (Bənövşəyi xətt) saat 15:15-16:45-də olacaq.

 

Qeyd edək ki, buna qədər «Bakı Metropoliteni» QSC-nin sosial layihəsi çərçivəsində Dünya Azərbaycanlılarının Həmrəylik Günü və Yeni il bayramı, dahi bəstəkar Üzeyir Hacıbəylinin 130 illik yubileyi, Milli Musiqi Günü münasibətilə Azərbaycan Milli Konservatoriyasının və Bakı Musiqi Akademiyasının tələbə və məzunlarından ibarət kollektivin ifalarında dünya və Azərbaycan musiqisinin klassik sənət nümunələri, Azərbaycan folkloru və milli musiqi sənətinin seçilən parçaları sərnişinlərə təqdim olunub.

 

LENT

24 İyun 2017
23 İyun 2017

Digər xəbərlər >>>