Ruslan Abışov “Neftçi”yə qayıtdı

“İnter” yarımmüdafiəçi Ruslan Abışovla yollarını ayırıb. Bu barədə məlumatı apasport.az saytına “bankirlər”in prezidenti Azər Əliyev verib.

 

O bildirib ki, Abışov mövsümün ikinci yarısından etibarən “Neftçi”nin formasını geyinəcək: “Klublar arasında danışıq baş tutub və bu transfer artıq gerçəkləşib. Futbolçu özü də “Neftçi”yə keçməyə razılıq verib”.

 

“İnter”in rəhbəri milli komandamızın üzvünün mövsümün sonuna qədər müqavilə müddəti olduğundan, “Neftçi”nin bu keçid müqabilində onlara kompensasiya ödəyəcəyini də əlavə edib.

 

"İnter"lə ortaq məxrəcə gələn "Neftçi" futbolçunun özünün də ilkin razılığını alıb. Yeganə problem Abışovun 1,5 illik müqavilə tələb etməsidi. Halbuki paytaxt təmsilçisi uzunmüddətli müqavilə imzalamaq niyyətindədi. Bu məsələ də həllini tapdıqdan sonra Ruslanın "Neftçi"yə dönüşü rəsmən açıqlanacaq.

 

Qeyd edək ki, Ruslan Abışov 2006-2012-ci illərdə "Neftçi"nin formasını geyinib.

LENT

26 Mart 2017
25 Mart 2017

Digər xəbərlər >>>