Sizin link burada

Qurbanovlu “Qarabağ”ın antirekordu

2016/17 mövsümü “Qarabağ” üçün uğursuz alınıb. Apasport.az saytının məlumatına görə, Ağdam klubu avrokubok mövsümünü topların mənfi fərqi ilə başa vurub.

 

Bu isə son 10 ildə görünməyən haldı. Son illər qitə miqyaslı turnirlərdə ölkəmizin ən yaxşı təmsilçisi olan “Qarabağ” cari mövsümdə 14 qol vurub, 15-ni buraxıb.

 

Təsnifat mərhələlərində Çempionlar Liqasını ümumi hesabda 4:2, Avropa Liqasını iki matçın cəmində 3:1 hesabı ilə yekunlaşdıran əyalət təmsilçisi qrupda bu üstünlüyü əldən verib. Bu mərhələdə 7 top vurub, 12-ni buraxan komanda avrokubok mövsümünü də mənfi saldo ilə bitirdi.

 

Təmsilçimizin sonuncu belə uğursuzluğu 2006/07 mövsümündə qeydə alınmışdı. Moldova “Zimbru”suna iki oyunun cəmində 2:3 hesabı ilə uduzan “Qarabağ”ı həmin vaxt Böyükağa Ağayev çalışdırırdı.

 

Bu isə o deməkdi ki, Qurban Qurbanovun baş məşqçi təyin olunduğu 2008-ci ildən sonra da belə hal yaşanmayıb. 2009/10, 2010/11, 2011/12 və 2013/14 mövsümlərində Avropa Liqasında çıxış edən Ağdam komandası sonrakı iki ildə də buraxdığından az qol vurmamışdı. 2014/15 və 2015/16 mövsümlərində isə indiki kimi Çempionlar Liqasında mübarizəyə başlayan təmsilçimiz Avropa Liqasında qrupadək irəliləyib.

 

mövsüm

top fərqi

2009/10

5:4

2010/11

12:11

2011/12

10:5

2013/14

10:7

2014/15

11:9

2015/16

9:9

2016/17

14:15

 

 

LENT

20 İyul 2018
19 İyul 2018

Digər xəbərlər >>>