Sizin link burada

Borca görə özünü öldürən iş adamı girov götürülübmüş - TƏFƏRRÜAT

Bakıda özünü dənizə atan iş adam Müşfiq Kələntərlinin intiharı ilə bağlı bəzi təfsilatlar bəlli olub. Lent.az-ın məlumatına görə, baş vermiş intihar hadisəsi M.Kələntərovun iş fəaliyyəti ilə əlaqəsi olmayıb, bədbəxt hadisəyə onun şəxsi həyatındakı problemlər səbəb olub. Bu sırada mərhumun müxtəlif şəxslərə külli miqdarda pul borclu olması qeyd oluna bilər.

 

Eyni zamanda, məlumata görə, M.Kələntərovun şirkət rəhbərliyində çalışan qadınla yaxın münasibətdə olması və götürülmüş pulların ona verilməsi haqqında ilkin məlumatlar öz təsdiqini tapmır.

 

***

 

Dünən Bakı bulvarında Binəqədi rayon sakini olan 47 yaşlı Müşfiq Kələntərovun özünü dənizə ataraq intihar etməsi ilə bağlı bəzi məqamlar üzə çıxıb. Lent.az-ın məlumatına görə, M.Kələntərov Bibiheybət yolu 6 ünvanının qarşısında, Su İdman sarayı istiqamətində, «Enerji klub»un yanında özünü dənizə atıb. Hadisə şahidləri bildirib ki, o, qaça-qaça dəniz istiqamətində gələrək burada təmizlik işləri aparanların gözü qarşısında özünü suya atıb. Ərazidə təmizlik işləri aparan fəhlələr nə qədər səy etsələr də, onu sudan çıxara bilməyiblər.

 

Bu arada, M.Kələntərov subay imiş və Bakıda fəaliyyət göstərən məşhur kosmetika firmalarından birini Azərbaycana gətirən şəxslərdən olub. Şirkətin rəhbərliyində çalışan qadınla yaxın münasibətdə olan 47 yaşlı Müşfiq bir neçə dəfə müxtəlif şəxslərdən külli miqdarda pul götürərək həmin qadına veribmiş. Son vaxtlarda isə pul sahibləri M.Kələntərovu sıxışdırmağa başlayıb. Bildirilir ki, şəxsiyyəti araşdırılan həmin şəxslər M.Kələntərovu dəfələrlə təhdid edib, hətta bir neçə gün girov da saxlayıblar.

 

İntihar hadisəsindən sonra M.Kələntərovun cibindən borc pulun alınması ilə bağlı etibarnamə çıxıb. Həmin sənəddə ona pul verən şəxsin adı və fotosu da olub.

 

Faktla bağlı Səbail rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb, araşdırmalar davam etdirilir.

 

 *****

 

1 sentyabr

 

Bu gün Bakı bulvarında özünü dənizə ataraq intihar edən şəxsin kimliyi müəyyənləşib. Lent.az-ın əldə etdiyi məlumata görə, Dənizkənarı Milli Parkın yeni salınmış hissəsində “Energy Club”un arxasında özünü dənizə ataraq intihar edən şəxsin Kələntərov Müşfiq Vaqif olması müəyyən edilib. Onun 40-45 yaşında olduğu bildirilir.

 

Hadisədən sonra M.Kələntərovun meyiti sudan çıxarılıb. Bu zaman onun cibindən borc müqaviləsi tapılıb. Müqavilədən məlum olub ki, M.Kələntərovun 15 min manat borcu varmış.

 

Bu gün saat 11:30 radələrində Dənizkənarı Milli Bulvar ərazisində (Yaxt klubun yaxınlığı) özünü dənizə atan qadının kimliyi də müəyyənləşdirilib. Lent.az-ın məlumatına görə, özünü dənizə ataraq həyatına son qoymaq istəyən şəxsin 1973-cü ildə Naxçıvan Respublikasının Ordubad rayonunda anadan olmuş, Binəqədi rayonunda yaşayan Cəfərova Şahnaz Əkrəm qızı olması məlum olub. Onun psixi durumunda problem olduğu bildirilir.

 

 

 

 

****

 

 

17:13

 

 

Bu gün Fövqəladə Hallar Nazirliyinin Dövlət Sularda Xilasetmə Xidmətinə Bakı şəhəri,  Dənizkənarı Milli Park ərazisində 1 nəfərin intihar məqsədi ilə özünü dənizə atması barədə məlumat daxil olub. Lent.az nazirliyin saytına istinadən xəbər verir ki, dərhal Dövlət Sularda Xilasetmə Xidmətinin xilasediciləri hadisə yerinə cəlb olunub və şəxsiyyəti məlum olmayan vətəndaşın cəsədini sudan çıxararaq aidiyyəti üzrə təhvil verib. Əməliyyat saat 14:25-də başa çatıb.

LENT

22 İyul 2018
21 İyul 2018

Digər xəbərlər >>>