Bakıda qəribə olay: həbs olunmaq istədi, polisə zəng vurdu - YENİLƏNİB

Polisə yalan məlumat verən şəxs saxlanılıb

Dünən Daxili İşlər Nazirliyinin "102" xidmətinə zəng vuraraq Neftçilər prospekti 131 ünvanında yerləşən "Park Bulvar" ticarət mərkəzində partlayıcı qurğu yerləşdirilməsi barədə yalan məlumat verən şəxs müəyyən edilib. Lent.az-ın əldə etdiyi məlumata görə, araşdırmalar nəticəsində həmin şəxsin Kəlbəcər rayonundan məcburi köçkün, Suraxanı rayonunda məskunlaşmış 1970-ci il təvəllüdlü Allahverdiyev İsmayıl Həbib oğlu olması bəlliolub. O, polis tərəfindən saxlanılıb.

 

İlkin dindirmə zamanı 45 yaşlı İ.Allahverdiyevin bir neçə nəfərə xeyli miqdarda pul borclu olması üzə çıxıb. O, ifadəsində qeyd edib ki, özü qəsdən polisə yalan məlumat verib və həbs olunmaq yolu ilə borc yiyələrindən bir müddətlik yaxa qurtarmaq istəyib.

 

Araşdırmalar davam etdirilir. 

 

*****

 

4 avqust 11:47

 

 

Bakının mərkəzindəki binalardan birində partlayıcı yerləşdirilməsi ilə bağlı hüquq-mühafizə orqanlarına müraciət daxil olub. Lent.az Fövqəladə Hallar Nazirliyinin saytına istinadən xəbər verir ki, nazirliyin “112” qaynar telefon xəttinə Bakı şəhəri, Səbail rayonunda ictimai-iaşə obyektlərindən birində partlayıcı maddənin olması barədə məlumat daxil olub.

 

Dərhal Nazirliyin müvafiq qurumları hadisə yerinə cəlb olunub və əraziyə baxış zamanı heç bir şübhəli əşya aşkar edilməyib.

LENT

22 Mart 2019
21 Mart 2019

Digər xəbərlər >>>